أخبار عاجلة
الرئيسية / الواجهة / كيف تستخدم الأم استراتيجية (الكلمات المرحة) كمدخل فعال للدخول لعالم الطفل
كيف تستخدم الأم استراتيجية (الكلمات المرحة) كمدخل فعال للدخول لعالم الطفل

كيف تستخدم الأم استراتيجية (الكلمات المرحة) كمدخل فعال للدخول لعالم الطفل

سنابل الأمل / بقلم- مصطفي صابر- أخصائي تخاطب

أخصائي التخاطب مستر ابني عايش مع نفسه؟

ابني مش بيحب يتعامل مع حد؟

ابني مش عايز يتعامل معي؟

ابني مش بيلعب مع نفسه دايما؟

ابنك عايش في عالمه الخاص محتاج إننا ندخل له لعالمه ونتعايش معه فيه وبعدها نخرج سويا لعالمنا

إزاي أدخل لعالمه الخاص؟

في استراتيجيات كتير تمكنا كأخصائيين وكأولياء أمور من إننا ندخل لعالم طفلنا زي الكلمات المرحه

كلمات مرحه ؟

الطفل بيكون فيه كلمات بتستخدمها سرته والقريبين منه لإحساسهم بأن الطفث حينما يسمعها يبتسم ويبدي لنا سعادة غامره

زي ايه الكلمات المرحة؟

كل طفل ليه كلمات مرحه مختلفة عن الاخر من الأطفال والمقصود بيها هى كلمات طفوليه تعبر عن واقع الطفل ننه تقليد الطفل بكلمات زي بابه مامه هشه _ اليع اي كلمة الطفل بيفرح بيها ويكون سعيد لما يسمعها

وهنقولها عادي كده للطفل؟

لا طبعا هنختار الوقت المناسب. كأن يكون الطفل بيلعب بالمكعبات وهندخل نلعب معاه مع تعبيرات للطفل بكلمات مرحه يحبها ويشعر بعدها أنه سعيد. وفرحان

لما ابني يسمع الكلمات المرحه دي هيحصل إيه يا مستر؟

هيبتسم لنا ويحس بفرح وسعاده وهيشاركنا الفرح ده. وبكده هيسمح لنا باللعب معاه وبكده هنقدر ندخل لعالمه

انت تقصد إيه انه يسمح لنا بالدخول لعالمه

يعني تقصد بالعالم الخاص عالم اللعب صح

في أحيان كتير الأطفال اللى بتكون عايشه فى عالمها الخاص بتكثن رافضه اى محاولة مننا إننا ندخل معاهم ونتعاون معهم ونشاركهم العابهم الخاصة

العالم الخاص للطفل هو الحيز السلوكي والمكاني لحياة ولعب الطفل واللى بيرفض اى حد يقترب منها

يعنى لو قولتله الكلمات المرحه هيخرج من العالم الخاص به

لا طبعا الكلمات المرحه دي هى البوابه اللى بتمكنا إننا ندخل بس لعالمه الخاص وبتخلى الطفل يسمح لنا بمشاركته في العابه

ازاي احدد الكلمات دي يا مستر؟

الكلمات بنحددها بناء على تعاملنا مع الطفل وملاحظتنا لسعادة الطفل بكلمات دون الاخرى.

عن أنوار العبدلي